河南安陽發現洹北商城衛星城 出土各類青銅器70餘件

河南安陽一直都係重要嘅發掘地點，而近日喺距安陽殷墟宮殿遺址直線距離7.2公里嘅地方，考古團隊又有一樣重大嘅發現，就係搵到一個疑似係洹北商城北部同一時期嘅重要衛星城！

呢個衛星城所在之處其實係就係陶家營遺址，呢個遺址早喺2021年4月就開始進行搶救性考古發掘，經過勘探之後，考古團隊就發現成個陶家營遺址平面呈長方形，東西約560米，南北長約330米，總面積約18.5萬平方米。喺呢個面積咁大嘅遺址當中，考古人員目前就清理出27座商代中期墓葬，出土各類器物172件，其中就有70幾件青銅器禮器、兵器、工具等，唔少造型精美，特徵鮮明，甚至仲可以睇到同時期北方草原、山東等地文化有相互影響。

墓葬區以北，甚至仲係生產生活區，陶窯、夯土基址、水井、灰坑等遺跡都有被發現。呢個規劃咁龐大嘅遺址，考古團隊再結合埋地層、出土器物等判斷，應該就係與商代中期都城洹北商城同時期嘅高規格聚落遺址。隨住考古工作繼續推進，可能就可以還原到甲骨文中記載嘅「大邑商」面貌。